daskor - facebook  daskor - css

Daskor

Emgann Sant Kast (1)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    I

Breizh ha Bro-Saoz enebourien,
Evito bout amezeien,
A zo bet lakaet er bed-men*    [-mañ] 
D’en em fiblañ da virviken.

Pa oan kousket, en nozvezh all,
E klevis son ar c’horn-bual,
Son ar c’horn-bual, e koat sal :
« Ho ! Saozon ! Saozon ! Saozon fall ! »

Ha ’dal’ ma savis antronoz,
’Gwelis oc’h erruout ar Saoz ;
’Gwelis e soudarded erru :
Sternoù alaouret, dilhad ruz.

War an aod ha pa oant ledet,
’Gwelis o tont ar C’hallaoued,
D’Aubigny gante ’r penn kentañ,
E gleñv* noazh en e zorn gantañ.    [gleze] 

– A-raok ! a lâre D’Aubigny,
Na dec’ho nikun ouzhomp-ni !
Ai ’ta ! va faotred diouzhtu !
A-raok da’m heul ! ha pegomp du ! –

Ar C’hallaoued a respontas
Holl war un dro, pa e glevas :
– Deomp gant D’Aubigny troad-ouzh-troad ;
Denjentil eo koulz ha paotr mat ! –

Pa oa D’Aubigny en emgann,
Ne oa den, na bras na bihan,
Na zigore e zaoulagad
Ouzh e welet o leuskel gwad.

E vlev, e zremm, hag e zilhad
Ne oant penn-da-benn nemet gwad
Distrinket dimeus ar Saozon,
Dre ma treuze d’e ar galon.

Hen a weled, war an dachenn,
Reizh e galon, uhel e benn,
Hep muiañ van d’ar boledoù
Evel pa vijent bet stouvoù.