daskor - facebook  daskor - css

Daskor

    VII

– Va mamm itron, ha me ho ped,
Pelec’h emañ aet ma fried.

- Er gambr d’an nec’h emañ kousket ;
It-hu di hag e frealzet*. –    [frealzit] 

Pa zeuas tre kambr he hini :
– Eurvad deoc’h, intañv, emezi.

– Itron Varia hag an Dreinded !
Evit intañv am c’hemeret* ?    [c’hemerit] 

– ’Vit intañv n’ho kemeran ket,
Hogen e berrik e viet*,    [viot] 

Setu amañ brozh ma eured,
A dalv, a gredan, tregont skoed ;

Houmañ ’vo d’ar vatezh vihan,
He deus bet ganin kalzik poan,

A zouge lizheroù kollet...
A Vezlean d’hon zi, va fried.

Setu ur vantell nevez-flamm
’Zo bet brodet din gant va mamm ;

Houmañ ’vo roet d’ar veleien,
Da bediñ Doue ’vidon-men*.    [-me] 

’Vit va c’hroaz ha va chapeled,
Ar re-se ’vo deoc’h, ma fried ;

Mirit-o mat, ha me ho ped,
Ma zalc’hfec’h soñj eus ho eured. –