daskor - facebook  daskor - css

Daskor

Azenorig c’hlas (4)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    IV

Ne oa ket he c’homz peurlâret,
Pa d’al leur-zi oa diskennet.

– Petra ’nevez zo en ti-mañ,
Pa welan ’n daou ver ouzh an tan ?

Pa welan ’n daou ver ouzh an tan,
’N hini bras ha ’n hini bihan ?

Petra ’nevez zo en ti-mañ,
Pa erru sonerien amañ ?

Pa erru sonerien amañ,
Ha pajigoù a Germorvan.

– En ti-mañ n’eus netra henoazh,
Nemet ho eured ’zo warc’hoazh.

– Mard eo ’benn warc’hoazh ma eured,
Mont a rin abred da gousket,

Hag ac’hano ne savin ket,
Ken da lienañ ’vin savet. –

’Tronoz beure pa zihunas,
He matezhig-gambr ’erruas ;

He matezhig-gambr ’erruas,
Hag er prenestr en em lakaas :

– Me ’wel an hent, ha poultr ennañ,
Gant kalz roñsed o tont amañ :

An aotroù Youenn ’penn kentañ,
Ra vo torret e c’hoûg gantañ !

D’e heul, ha flec’h ha marc’heien,
Ha kalz tudjentil ’hed an hent.

Ha dindanañ ’n inkane gwenn,
Ur stern aouret war e gerc’henn ;

Ur stern alaouret penn-da-benn,
Un dibr voulouz ruz war e gein.

– Mallozh d’an eur e teu amañ !
Da’m zad, da’m mamm, ar re gentañ !

Difennet eo d’an dud yaouank
Da heuliañ, er bed-mañ, o c’hoant. –