Azenorig c’hlas (2)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    II

’Zenorig oa ’tal ar feunteun,
Ha ganti ur vrozh seiz melen ;

War lez ar feunteun, he-unan,
O pakat eno bleuñv balan,

Da ober ur bokedig koant,
Ur boked da gloareg Mezlean.

Bout e oa hi ’tal ar feunteun,
Pa dremenas ’n aotroù Youenn,

’N aotroù Youenn, war e varc’h glas,
Kerkent, en ur redadenn vras ;

Kerkent, en ur redadenn vras,
Hag outi damsellet a reas :

– Houmañ a vezo va fried,
Pe n’am bo, ’vit gwir, gwreg ebet ! –