VII diviz

Genre
Théâtre
Langue
Breton
Source
Brest, Moulerezh ru ar C’hastell, 1912
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Sebastian hag un toullad mat a gristenien a zeu

DYONISIUS
An deiz-mañ, va breudeur, n’eo ket un deiz a c’hlac’har eo ez eo, met un deiz a levenez hag a c’hloar. Hor breurig kaezh Tarsicius zo aet d’ar baradoz, osti an douar bet merzheriet evit osti an neñvoù. Gwelet em eus e c’hwad glann, ruz war e sae wenn evel ma vije bokedoù roz kemmesket gant lili. Mousc’hoarzh an aelez am eus gwelet o skediñ war e c’henoù, endra m’edo e zouarnigoù kroazet war boull e galon da viret, betek ar marv, korf sakr an Aotroù Jezuz. Pebezh kentel vrav evidomp-ni, va breudeur ! Kemeromp da skouer ar bugel kalonek-se. Karomp, eveltañ, sakramant an aotrer, roet deomp gant un doue a zo en em c’hraet den evidomp. Korf santel hon aelig karet a vezo douget ha beziet e bered Sant Kallist. Da c’hedal ma’z aimp d’hen dougen d’an iliz, kanomp a-unan, gant holl nerzh hor c’halon, kantik sakramant an aoter.