V diviz

Genre
Théâtre
Langue
Breton
Source
Brest, Moulerezh ru ar C’hastell, 1912
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

SEBASTIAN, TARSICIUS marv, DYONISIUS

DYONISIUS
Petra zo, Sebastian, petra zo ? Daoust hag e ve Tarsicius klañv ?

SEBASTIAN
Bev eo, met er baradoz ! Lazhet eo bet gant un toullad bugale griz.

DYONISIUS
Bolontez Doue bezet graet ! Emañ ur merzher nevez o pediñ evidomp. O sellet ouzh ar bugel. Nag eñ a zo koant en e gousk diwezhañ ! Ha sakramant an Aoter, Sebastian ? N’eo ket bet gwall gaset gant an dorfederien-se ?

SEBASTIAN
N’eo ket bet Dyonisius. Emañ atav bara sakr an neñvoù war galon c’hlann ar merzher yaouank. Her c’hemeret a c’hellot digantañ en hon ti, pa’m bezo douget ennañ ar paourkaezhig. Ha ne gav ket deoc’h, Dyonisius ?

DYONISIUS
Eo, eo. Emaon ivez o vont diouzhtu war da lerc’h. Sebastian a ya kuit, Tarsicius en e zivrec’h.