VIII diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1917
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

MEVEN, KOLOMBAN, GWENAEL

GWENAEL
Aotroù ’n abad, ho pet truez ouzhin, soudarded zo hag a red war va lerc’h. Roit din, en an’ Doue, ur c’hogn bennak er manati, ma c’hellin en em guzhet. Mirit outo na’z afent da’m lazhañ.

MEVEN
Bez dinec’h-naet, va c’haezh. Neb a zeu er gouent-mañ a vez hor skoazell gantañ. Kriadennoù a forzh er-maez.

GWENAEL spontet
Selaouit ! Selaouit ! emaint o tont amañ ; va fakañ a raint, a dra sur.

MEVEN
Ne bakint ket, ne lazhint ket ac’hanout.

KOLOMBAN
Ni a lakaio, mar bez ret, hor c’horfoù dirazout. N’az pez ket tamm aon ebet. Ne gouezho ket ur vlevenn zoken diwar da benn. Kriadennoù kreñvoc’h. Ar priñs Hoel a zeu, gantañ daou soudard divalav-ruz o frioù. Krial a reont o zri.