I diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

GUILCHER d’an dud
Piv ac’hanoc’h, tud vat, a anavez Per Balibouzig, va amezeg kemener diouzh e vicher ? hini ac’hanoc’h, a gav din. Mat ; besteod eo ; gagilhat a ra evel ur yar. Divalav eo, gant e vlev ruz hag e lagad a-dreuz. Pizh-kagn eo, ha kriz e-keñver an dud reuzeudik. Dezhañ e tlean ugent skoued, ha n’on ket evit o faeañ, paour evel ma’z on, siwazh ! Bemdez e teu da’m doaniañ diwar-benn an arc’hant-se. Mard oc’h hep anaout Balibouzig, gortozit ur pennad hepken, hag hen anaout a reot, m’hen tou deoc’h, ha dizale, zoken. O sellet war-du ar maez. Sell ! petra a lavaren deoc’h ? Dont a ra. Sellit mat outañ hag e welot ul lakepod eus ar re gaerañ. Sellit ! setu eñ ! Balibouzig a zeu.