VIII diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

AN HEVELEP RE, STEFAN

STEFAN, o tiskouez un tamm paper
Setu ur gourc’hemenn a-berzh ar barner, aotroù Bertel.

BERTEL
Peseurt gourc’hemenn, aotroù Stefan ?

STEFAN
Ar barner a c’hourc’hemenn chom hep gwerzhañ traoù Guilcher. Un enklask a zo bet graet gant ar barner. Diouzh an enklask-se, anat eo bet eo Guilcher paour-gleiz, paour eus ar re baourañ, met onest ha fur-kenañ, en despet d’e baourentez. Ma ve gwerzhet e draoù paour, Guilcher a vefe ret dezhañ mont gant e c’hwreg da vevañ diwar an aluzenn.

An aotroù barner, neuze, a ro da C’huilcher ur miz a-bezh da glask un tu pe du da baeañ e dleuoù. Rak se ehanit ar werzh-mañ.

BERTEL gant doujañs
Echu eo neuze an abadenn, aotroù Stefan. N’hon eus ken tra da ober, bremañ, nemet mont kuit. Anton, Bertel ha Stefan a ya kuit.