Degemer mat war lec’hienn ar raktres Daskor ! Savet eo bet gant izili a-youl-vat ur gevredigezh. Ar pal a zo ganeomp : lakaat an darn vrasañ da anavout ha da vout lorc’h enno gant al lennegezh vrezhonek.

Emaomp war glask skridoù kuit a wirioù, hag o feurskrivañ a reomp hini hag hini diouzh an doare-skrivañ a-vremañ. Evel-se hon eus aozet dija 2239 skrid eus al lennegezh vrezhonek !

Kinnig a reomp deoc’h ar skridoù-se diouzh an aozer, diouzh ar rumm, diouzh an dodenn… Gallout a rit kaout an holl er stumm niverel, digoust, hag embannet hon eus un darn anezho e levrioù godell zoken.

Kinnig a reomp deoc’h ivez skorioù a bep seurt a-zivout al lennegezh vrezhonek (un istorig, buhez an aozerien…) hag a-zivout ar brezhoneg (skridoù divyezhek, tutorial brezhoneg…).

  • Fent (ar)

    Dec’h c’hoazh, eme Gabig, ma stad oa trist-kenañ.
    An holl o doa spered, begoù lemm ha lirzhin.
    Me, ma lârjen ur ger, ’vije graet goap diouzhin :
    « Sell ar balbouzer-se… petra c’hoari gantañ ? »

    Un taol avel, setu an traoù war an tu gin.
    An dud a serr o beg raktal ma kaozean ;
    Kement hini a priz kement tra a lâran ;
    Hiriv ’kavfen ar mêr a-du da prestañ din ;

    War-bouez un neudenn brein me ’dapfe kalonoù ;
    Ma taolfen ma chupenn, me ’rafe burzhudoù.
    An …

  • C’havell (ar)

    En ho kavell e korn an tan,
    Kouskit ma c’houadurig bihan.

    tra litra-li tra li tra li tra li tra li tra li la.

    An noz, er-maez, a zo teñval*,    [W tioél]
    Kornal a ra kreñv an avel.

    Serrit, sentus, ho taoulagad,
    Tra ma vin diouzh ho luskennat.

    Mar ne gouskit ket ’tro an noz,
    Ho mamm a chomo hep repoz.

    Ma c’hrouadurig, ma c’harantez,
    Kouskit ken e vo deut an…

  • Bedenn (ar)

    Sur les genoux de sa mère,
    Attentif, les mains en croix,
    L’enfant dit une prière
    De sa plus touchante voix.
    Sur le crucifix d’ivoire,
    Au milieu de l’oratoire,
    Il fixe ses jolis yeux,
    Et ses lèvres enfantines
    Ont des paroles divines
    Dont l’écho va jusqu’aux cieux.

    Par la fenêtre mi-close
    Rentrent les premiers rayons
    Caressant sa lèvre rose,
    Jouant dans ses cheveux blonds,
    Dans sa limpide prunelle
    Allumant une étincelle
    Qu’on dirait un diamant…

Un dra a ra an dro d’an ti
Hag a lavar stagañ ar c’hilhog ha distagañ ar c’hi.

Pa deu al louarn war-dro an ti
Livirit din petra ’rit-c’hwi :
Leusker ar c’hi war-lerc’h al laer
Hag hast afo dastum ar yer.
Met ar c’hi pa vez distaget
War-lerc’h al lern a gar redet !
Ha da betra stagañ ’r c’hilhog
Mard eo klozet en e lok ?
Me ’gred kentoc’har vuzugenn
A rafe kont an divinadenn.

Feiz ha Breizh