Degemer mat war lec’hienn ar raktres Daskor ! Savet eo bet gant izili a-youl-vat ur gevredigezh. Ar pal a zo ganeomp : lakaat an darn vrasañ da anavout ha da vout lorc’h enno gant al lennegezh vrezhonek.

Emaomp war glask skridoù kuit a wirioù, hag o feurskrivañ a reomp hini hag hini diouzh an doare-skrivañ a-vremañ. Evel-se hon eus aozet dija 2239 skrid eus al lennegezh vrezhonek !

Kinnig a reomp deoc’h ar skridoù-se diouzh an aozer, diouzh ar rumm, diouzh an dodenn… Gallout a rit kaout an holl er stumm niverel, digoust, hag embannet hon eus un darn anezho e levrioù godell zoken.

Kinnig a reomp deoc’h ivez skorioù a bep seurt a-zivout al lennegezh vrezhonek (un istorig, buhez an aozerien…) hag a-zivout ar brezhoneg (skridoù divyezhek, tutorial brezhoneg…).

  • Varzhed (ar)

    Paotred, plac’hed yaouank, c’hwi ’lamme o tridal,
    Pa glevec’h, dre Gerne, Matilin, ar barzh dall,
    O treiñ, gant e vombard, tonioù ’ouie atav
    Lakaat fiñv er wazhied, digeriñ jabadao,
    Ouelit, n’her c’hlevot mui ! En e vez yen eo mik ;
    Marv eo Matilin, dialan hoc’h eostig.

    E ene zo nijet da vro an telennoù,
    Bro ar barzhed ’zo bet skiltrus o c’halonoù ;
    E kalon ar barzh kozh ’vel un ogroù ’gane,
    Hag eñ oc’h ehanañ, evned a ziskane.
    Evidomp-ni, Breizhiz, hon diskan zo daeroù :…

  • Elfennoù (an)

    Porte moi sur tes vagues dures, mer figée, mer
           sans reflux ; tempête solide enfermant le
           vol des nues et mes espoirs. Et que je fixe
           en de justes caractères, Montagne, toute la
           hauteur de ta beauté.

    L’œil, précédant le pied sur le sentier oblique
           te dompte avec peine. Ta peau est ru-
           gueuse. Ton air est vaste et descend droit
           du ciel froid. Derrière la frange visible
           d’autres sommets élèvent tes passes. Je
           sais que…

  • Varzhed (ar)

        AN DELENN
    Sav alese, barzhig ; tenn din eus va c’halon
    Ar veuleudi gaerañ hag al lirzhinañ son.

        AR BARZH
    Na perak kanañ ken ? – ’Rafemp ket well ehan
    Peogwir den, pa ganomp, na selaou ouzh hon c’han ?
    Koulz eo terriñ diouzhtu va fluenn disec’het
    Ha mougañ ’vit ur wech da vouezh ankounac’het.
    Trubard eo ar bed holl e-keñver ar varzhed :
    Eus a dost o meuler, ’drek o c’hein ’ve c’hoarzhet,
    Ha, mar be sellet pizh, war o fenn ne gaver
    ’Met ur gurunenn spern ’vel hini…

Un dra uhel krouget
A laka ar gwazed da redet
Hag ar merc'hed pa vez ret.

Kloc'h an tan-gwall, a repont darn. – Oh ! n'eo ket ret e ve tan-gwall ; kloc'h an oferenn vintin koulz hag hini an oferenn-bred a laka ivez fiñv e Yann Diwar-lerc'h.

Feiz ha Breizh